MY JESUS

தமிழ் பாடல்கள்

28
எக்காள சத்தம் வானில் தொனித்திடவே
என் இயேசு மா ராஜனே வந்திடுவார்

அந்த நாள் மிகச் சமீபமே
சுத்தர்கள் யாவரும் சேர்ந்திடவே
தேவ எக்காளம் வானில் முழங்க
தேவாதி தேவனை சந்திப்போமே

கர்த்தரின் வேளையை நாம் அறியோம்
கர்த்தரின் சித்தமே செய்திடுவோம்
பலன்கள் யாவும் அவரே அளிப்பார்
பரமனோடென்றும் வாழ்ந்திடுவோம்

கண்ணிமை நேரத்தில் மாறிடுவோம்
விண்ணிலே யாவரும் சேர்ந்திடுவோம்
கண்ணீர் கவலை அங்கு இல்லை
கர்த்தர் தாமே வெளிச்சமாவார்