MY JESUS

தமிழ் பாடல்கள்

178
இயேசு நேசிக்கிறார் இயேசு நேசிக்கிறார்
இயேசு என்னையும் நேசிக்க யான் செய்த
தென்ன மா தவமோ

நீசனாமென்னைத்தான் இயேசு நேசிக்கிறார்
மாசில்லாத பரன் சுதன்றன் முழு
மனதால் நேசிக்கிறார்

பரம தந்தை தந்த பரிசுத்த வேதம்
நரராமீனரை நேசிக்கிறாரென
நவிலல் ஆச்சரியம்

நாதனை மறந்து நாட்கழித் துலைந்தும்
நீதன் இயேசென்னை நேசிக்கிறாரெனல்
நித்தம் ஆச்சரியம்

ஆசை இயேசுவென்னை அன்பாய் நேசிக்கிறார்
அதை நினைந்தவர் அன்பின் கரத்துள்ளே
ஆவலாய்ப் பறப்பேன்

ராசன் இயேசுவின் மேல் இன்பக் கீதஞ் சொலில்
ஈசன் இயேசென்னைத் தானேசித்தாரென்ற
இணையில் கீதஞ் சொல்வேன்