MY JESUS

தமிழ் பாடல்கள்

177
என் மீட்பர் உயிரோடிருக்கையிலே எனக்
கென்ன குறைவுண்டு நீ சொல் மனமே

என்னுயிர் மீட்கவே தன்னுயிர் கொடுத்தோர்
என்னோடிருக்கவே எழுந்திருந்தோர்
விண்ணுலகுயர்ந்தோர் உன்னதஞ்சிறந்தோர்
மித்திரனே சுக பத்திரமருளும்

பாபமோ மரணமோ நரகமோ பேயோ
பயந்து நடுங்கிட ஜெயஞ் சிறந்தோர்
சாபமே தீர்த்தோர் சற்குரு நாதன்
சஞ்சலமினியேன் நெஞ்சமே மகிழாய்

ஆசி செய்திடுவார் அருள் மிக அளிப்பார்
அம்பரந் தனில் எனக்காய் ஜெபிப்பார்
மோசமே மறைப்பார் முன்னமே நடப்பார்
மோட்ச வழி சத்ய வாசல் உயிரென்னும்

கவலைகள் தீர்ப்பார் கண்ணீர் துடைப்பார்
கடைசிமட்டும் கைவிடாதிருப்பார்
பவமன்னிப் பளிப்பார் பாக்கியங் கொடுப்பார்
பரம பதவியினுள் எந்தனை எடுப்பார்