MY JESUS

தமிழ் பாடல்கள்

138
பாரீர் கெத்சமனே பூங்காவில் என் நேசரையே
பாவி எனக்காய் வேண்டுதல் செய்திடும் சத்தம் தொனித்திடுதே

தேகமெல்லாம் வருந்தி சோகமடைந்தவராய்
தேவாதி தேவன் ஏக சுதன் படும்
பாடுகள் எனக்காயே

அப்பா இப்பாத்திரமே நீக்கும் நின் சித்தமானால்
எப்படியேனும் உம் சித்தம் செய்ய என்னை
தத்தம் செய்தேன் என்றாரே

இரத்தத்தின் வேர்வையாலே மெத்தவுமே களைத்தே
இம்மானுவேலன் உள்ளம் உருகியே
வேண்டுதல் செய்தனரே

என்னையும் தம்மைப்போல மாற்றும் இம்மா நேசத்தை
எண்ணியெண்ணியே உள்ளம் கனிந்து நான்
என்றும் புகழ்ந்திடுவேன்